A casa de turismo rural «O Trisquel» é unha antiga casa de pedra de principios do século XIX, situada a 1.220 m. altitude na pequena aldea de Vilanova de Trevinca, no concello da A Veiga dentro da comarca de Valdeorras (Ourense), debaixo de Pena Trevinca, a maior altura de Galicia. A súa situación é privilexiada por estar á cabeza de todas as rutas que levan ou atravesan o macizo montañoso máis importante e a maior altitude de Galicia, Pena Trevinca de 2.127 metros de altitude.

Con aproximadamente 200 anos de antigüidade consta de tres habitacións dobres, dous baños de uso común (un na zona superior e outro na zona baixa), unha boa biblioteca, butacas (antigos bancos galegos), o antigo forno da casa, cociña e un amplo comedor na planta baixa. A decoración mestura mobles galegos, tecidos antigos e recordos de viaxe. A cociña que se ofrece ao visitante é coñecida polo sabor e a calidade dos seus ingredientes. Está guisado en barro, tamén se prepara cociña vexetariana.